مقدرش ادوق حبك
لمين بقول شعرى !
وبكتب دواوينى !
ولمين سهرت الليل !
ولمين بكت عينى !
لكن انا مش حر
وبقولها ميت مرة
مقدرش ادوق حبك
والقدس مش حرة
قالوا معاهدة وسلام
قولت اسرئيل جره
حبك كوى مهجتى
وحنينى غلبنى
اخاف انسى القضية
يسألنى يومها ابنى
القدس دى عربية ؟
والدرة دا اخويا ؟
واختى اللى عريانه ؟
متقولى يا ابويا .؟
سؤال انا سألته
يابويا ليه ؟ وليه ؟
يبقى ادوق حبك !!!
طب اقول لولدى ايه ؟
ليست هناك تعليقات:
إرسال تعليق