الثلاثاء، 28 يونيو 2011
الجمعة، 3 يونيو 2011
يا نبع حنان
يا نبع حنان
بشوق وحنان
هغنيلك
وهبنيلك
فى قلبى مكان
وهرسم فى السماء
طيفك
وإحساسى
وعمرى
وقلبى
يتشكل على كيفك
مانتى
امى وابويا
واختى
وعمى واخويا
واحلى جيران
يا أم الدنيا
يا بلدى يا وطنى
يا نبع حنان
*********
نبض وريدى
بينادى
يوم ما تندهى يابنى
هشيل كفنى على يدى
وأقول لبيك يا بلادى
يا بلادى
طول عمرنا عايشين
بروح وحدة
بإيد واحدة
قلوبنا
قوة متحدة ليوم الدين
لا قولت فــيوم
انا مسلم
انا مسيحى
انا اسمر
انا ابيض
انا سنى
انا سلفي
يمايا
احنا مصريين
وطول عمرنا عايشين
بنكته .... تعلى ضحكتنا
بنصر ... يعلى هامتنا
بغنوة .... تحلى دنيتنا
سمار النيل فـ جبهتنا
بياض القلب شامتنا
بروح واحدة
ليوم الدين
**********
فى جيبى
صورة للثورة
شيخ رافع مع حفيده
علم واحد
وادى قسيس ماسك فيده
علم واحد
وادى واحدة وادى واحد
شوفوا الملايين
اههم رافعين
علم واحد
هدفهم كان هدف واحد
شالو اروحهم على ايدهم
نسيم الجنه حوليهم
يا خلق وحدوا الواحد
كفاينا من التفاهات
كفاينا من الهتافات
كفاينا ونتكلم كلام وبجد
يوم مبقينا ايد واحدة
فى ست ساعات
جينا عبرنا
ودمرنا اسطورة سد
نظام فاسد
فـ 8 تيام
ضاع واتهد
ايدى فى ايدكم
نيران الفتنة نطفيها
ونبنى مصرنا الغالية
ونبقى هالة حوليها
واللى يفترى عليها
يبقى غبائه فاق الحد
الاشتراك في:
الرسائل (Atom)